做新娘有邊個唔想喺pre-wedding 同big day 個日自己瘦啲，上鏡靚啲呢？！

要效果快，就要做Hifu嘞！而家市面上有勁多Hifu機療程，大大小小美容院都標榜自己有專業護理人員在場，不過自己就唔好彩，早幾個月前因工作去了銅鑼灣一間A字頭美容院試做Hifu , 由療程測試前基本檢查都很簡陋，只用脂肪量度尺量度脂肪，和大型美容院反覆檢查差好遠，結果令手臂出現很大瘀痕……雖然手臂係firm咗，但美容院老闆說這是正常情況喎…..好彩我翌日唔係影pre wedding 啫，如果唔係實比人話「家暴」不過經我翻查案例後，原來手勢好的Hifu甚少此情況出現！！

———————————————–
事隔一個月後，我去另一間C字頭嘅大型美容院試做面部Hifu ，果然有所不同，首先佢哋要你填得好詳細嘅身體及肌膚狀況，之後就有個醫生/顧問用儀器幫你check下肌膚現在狀況，示展邊個位置需要做HiFu ，同埋做完HiFu之後皮膚都會比較乾，仲做埋一個叫「水源共生」嘅療程。

療程中，治療師好專業，不斷問你有冇痛及感覺，加上房間也很乾淨，不像一般美容院咁求求其其，所以令我非常放心比佢哋還原靚靚面️

做完今次Hifu後，覺得自己啲皮膚緊緻咗，同埋好潤，但最奇怪係好似白咗，不過點都好，我覺得自拍時輪廓突出咗，美圖秀秀都唔駛㩒瘦面mode , 唔錯！唔錯！

經過兩次不同嘅Hifu後，結論就係好啱無時間減肥嘅新娘做，不過最好要婚前或pre-wedding一個月前做，因為要試下自己嘅皮膚受唔受到，同埋呢啲Hifu 都可以keep到一至兩個星期，重要係揾一間又大又先進嘅美容院做呢,否則愈整愈衰呢～

俾A字頭美容院嘅HiFu機搞到手臂瘀晒

在C美容院療程前的樣子

左邊係before , 右邊係after , 可能大家就咁睇分別唔大，但我自己feel到提升咗嘅！

翌日去hair salon 試pre wedding 造型， 塊面真係瘦左少少呢，係有少少開心嘅（希望大家唔好介意我落少少美顏，但絕無用瘦面mode , 只係怯咗少少暗瘡及黑眼圈）